Фота ХК "Дынама"
4 чэрвеня, Мінск /Кар. БЕЛТА/. Хакейнае мінскае "Дынама" аб'явіла аб падпісанні кантрактаў з двума канадскімі ігракамі, паведамілі БЕЛТА ў прэс-службе сталічнага клуба.
У стан "зуброў" пераходзяць абаронцы Ксаўе Уэле і Джош Брук. Мінулы сезон 30-гадовы Уэле правёў ва "Уілкс-Барэ/Скрэнтан Пінгвінз" з Амерыканскай хакейнай лігі: у яго актыве 65 матчаў і 25 (2+23) ачкоў. Раней ігрок абароны выступаў у АХЛ за "Гранд-Рапідс Грыфінс" і "Лаваль Рокет", дзе чатыры сезоны насіў капітанскую нашыўку. Усяго ў АХЛ Ксаўе адыграў 491 матч і зарабіў 220 (44+176) балаў.
Таксама ў канадца ёсць вопыт выступленняў у Нацыянальнай хакейнай лізе: сумарна ў НХЛ 48-ы нумар Драфту-2011 правёў 189 гульняў за "Дэтройт" і "Манрэаль", набраўшы 29 (5+24) ачкоў. У складзе зборнай Канады-U20 Уэле ўдзельнічаў у маладзёжным чэмпіянаце свету, а з юніёрскай камандай сваёй краіны станавіўся ўладальнікам Кубка Глінкі/Грэцкі.
24-гадовы абаронца Джош Брук папярэдні сезон адыграў у чэмпіянаце Фінляндыі за "Лука". У складзе клуба з Раўмы канадзец выходзіў на лёд у 59 матчах, у якіх вызначыўся 18 (6+12) рэзультатыўнымі баламі. У сваёй кар'еры Брук таксама выступаў у АХЛ, абараняючы колеры "Калгары Рэнглерс" і "Лаваль Рокет". Усяго ў лізе ў Джоша 121 паядынак і 35 (7+28) ачкоў.
У складзе зборнай Канады ігрок абароны быў удзельнікам юніёрскага (U18) і маладзёжнага (U20) чэмпіянатаў свету. У 2017 годзе Брук быў выбраны "Манрэалем" у 2-м раўндзе драфту НХЛ пад агульным 56-м нумарам.-0-
У стан "зуброў" пераходзяць абаронцы Ксаўе Уэле і Джош Брук. Мінулы сезон 30-гадовы Уэле правёў ва "Уілкс-Барэ/Скрэнтан Пінгвінз" з Амерыканскай хакейнай лігі: у яго актыве 65 матчаў і 25 (2+23) ачкоў. Раней ігрок абароны выступаў у АХЛ за "Гранд-Рапідс Грыфінс" і "Лаваль Рокет", дзе чатыры сезоны насіў капітанскую нашыўку. Усяго ў АХЛ Ксаўе адыграў 491 матч і зарабіў 220 (44+176) балаў.
Таксама ў канадца ёсць вопыт выступленняў у Нацыянальнай хакейнай лізе: сумарна ў НХЛ 48-ы нумар Драфту-2011 правёў 189 гульняў за "Дэтройт" і "Манрэаль", набраўшы 29 (5+24) ачкоў. У складзе зборнай Канады-U20 Уэле ўдзельнічаў у маладзёжным чэмпіянаце свету, а з юніёрскай камандай сваёй краіны станавіўся ўладальнікам Кубка Глінкі/Грэцкі.
24-гадовы абаронца Джош Брук папярэдні сезон адыграў у чэмпіянаце Фінляндыі за "Лука". У складзе клуба з Раўмы канадзец выходзіў на лёд у 59 матчах, у якіх вызначыўся 18 (6+12) рэзультатыўнымі баламі. У сваёй кар'еры Брук таксама выступаў у АХЛ, абараняючы колеры "Калгары Рэнглерс" і "Лаваль Рокет". Усяго ў лізе ў Джоша 121 паядынак і 35 (7+28) ачкоў.
У складзе зборнай Канады ігрок абароны быў удзельнікам юніёрскага (U18) і маладзёжнага (U20) чэмпіянатаў свету. У 2017 годзе Брук быў выбраны "Манрэалем" у 2-м раўндзе драфту НХЛ пад агульным 56-м нумарам.-0-
Падпісвайцеся на нас у
