10 красавіка, Мінск /Кар. БЕЛТА/. Хакейнае мінскае "Дынама" аб'явіла аб расставанні з галоўным трэнерам каманды Крэйгам Вудкрафтам, паведамілі БЕЛТА ў прэс-службе сталічнага клуба.
Гэты сезон Кантынентальнай хакейнай лігі стаў для Вудкрафта чацвёртым запар і сумарна пятым у якасці галоўнага трэнера мінскага "Дынама". Усяго Крэйг правёў каля руля "зуброў" 303 матчы, што з'яўляецца рэкордам клуба. За час работы канадца "бела-блакітныя" чатыры разы выходзілі ў плэй-оф (у 2017-м, 2021-м, 2022-м і 2023-м гг.), але кожны раз спыняліся на стадыі першага раўнда.
Кантракт Вудкрафта з "Дынама" заканчваецца 30 красавіка. Кіраўніцтва сталічнага клуба дзякуе Крэйгу за работу і жадае поспехаў у далейшай кар'еры. На гэты момант канадскі спецыяліст прадаўжае заставацца галоўным трэнерам нацыянальнай каманды Беларусі па хакеі.-0-
