Фота з архіва
20 чэрвеня, Брэст /Кар. БЕЛТА/. У Брэсце 21 чэрвеня пройдзе міжнародны турнір па міні-футболе, прысвечаны памяці абаронцаў Брэсцкага чыгуначнага вакзала. Аб гэтым паведамілі карэспандэнту БЕЛТА ва УУС Брэсцкага аблвыканкама.
Гэтыя спаборніцтвы маюць працяглую гісторыю, у абласным цэнтры яны пройдуць ужо 26-ы раз. У гэтым годзе ў турніры прымуць удзел каманды Брэсцкага, Баранавіцкага і Пінскага гарнізонаў міліцыі, 38-й гвардзейскай асобнай дэсантна-штурмавой брыгады, зборнай МУС Беларусі. Таксама прыедуць прадстаўнікі галоўнага ўпраўлення на транспарце МУС Расійскай Федэрацыі.
Матчы пройдуць у палацы гульнявых відаў спорту "Вікторыя". У першай палавіне дня адбудуцца асноўныя гульні, пасля абеду - фінальныя.
Турнір традыцыйна праводзяць напярэдадні Дня ўсенароднай памяці ахвяр Вялікай Айчыннай вайны і генацыду беларускага народа. Такім чынам праваахоўнікі аддаюць даніну памяці сваім калегам - абаронцам Брэсцкага чыгуначнага вакзала. У чэрвені 1941 года нямецка-фашысцкія захопнікі штурмавалі тут не толькі Брэсцкую крэпасць. Абаронцы чыгуначнага вакзала - чыгуначнікі, міліцыянеры і чырвонаармейцы - таксама абараняліся да апошняга. Гітлераўцы іх абстрэльвалі, пускалі газ, затаплялі падвалы, дзе хаваліся абаронцы. Яны не здаваліся каля тыдня, большасць з іх загінулі.
Удзельнікі турніру па міні-футболе прымуць удзел у начных мерапрыемствах, якія 22 чэрвеня пройдуць у мемарыяльным комплексе "Брэсцкая крэпасць-герой". У 02.00 на плошчы Цырыманіялаў загучаць першыя мелодыі канцэрта-рэквіема "4 гады доўгага шляху...". Яго ўдзельнікамі стануць беларускія і расійскія выканаўцы. У 04.00 па традыцыі пачнецца мітынг-рэквіем. Брастаўчане і госці ўскладуць кветкі да Вечнага агню і пліт некропаля, ушануюць памяць абаронцаў Айчыны. На світанні на Кобрынскім умацаванні адбудзецца ваенна-гістарычная рэканструкцыя, у час якой пакажуць ключавыя эпізоды абароны Брэсцкай крэпасці.-0-
Гэтыя спаборніцтвы маюць працяглую гісторыю, у абласным цэнтры яны пройдуць ужо 26-ы раз. У гэтым годзе ў турніры прымуць удзел каманды Брэсцкага, Баранавіцкага і Пінскага гарнізонаў міліцыі, 38-й гвардзейскай асобнай дэсантна-штурмавой брыгады, зборнай МУС Беларусі. Таксама прыедуць прадстаўнікі галоўнага ўпраўлення на транспарце МУС Расійскай Федэрацыі.
Матчы пройдуць у палацы гульнявых відаў спорту "Вікторыя". У першай палавіне дня адбудуцца асноўныя гульні, пасля абеду - фінальныя.
Турнір традыцыйна праводзяць напярэдадні Дня ўсенароднай памяці ахвяр Вялікай Айчыннай вайны і генацыду беларускага народа. Такім чынам праваахоўнікі аддаюць даніну памяці сваім калегам - абаронцам Брэсцкага чыгуначнага вакзала. У чэрвені 1941 года нямецка-фашысцкія захопнікі штурмавалі тут не толькі Брэсцкую крэпасць. Абаронцы чыгуначнага вакзала - чыгуначнікі, міліцыянеры і чырвонаармейцы - таксама абараняліся да апошняга. Гітлераўцы іх абстрэльвалі, пускалі газ, затаплялі падвалы, дзе хаваліся абаронцы. Яны не здаваліся каля тыдня, большасць з іх загінулі.
Удзельнікі турніру па міні-футболе прымуць удзел у начных мерапрыемствах, якія 22 чэрвеня пройдуць у мемарыяльным комплексе "Брэсцкая крэпасць-герой". У 02.00 на плошчы Цырыманіялаў загучаць першыя мелодыі канцэрта-рэквіема "4 гады доўгага шляху...". Яго ўдзельнікамі стануць беларускія і расійскія выканаўцы. У 04.00 па традыцыі пачнецца мітынг-рэквіем. Брастаўчане і госці ўскладуць кветкі да Вечнага агню і пліт некропаля, ушануюць памяць абаронцаў Айчыны. На світанні на Кобрынскім умацаванні адбудзецца ваенна-гістарычная рэканструкцыя, у час якой пакажуць ключавыя эпізоды абароны Брэсцкай крэпасці.-0-
Падпісвайцеся на нас у
