30 ліпеня, Мінск /Кар. БЕЛТА/. Камандны чэмпіянат свету-2020 па спартыўнай хадзьбе ў Мінску перанесены на красавік 2022 года. Такая інфармацыя размешчана на сайце Міжнароднай федэрацыі лёгкай атлетыкі, паведамляе карэспандэнт БЕЛТА.
"Зрыў, выкліканы глабальнай пандэміяй, ускладніў планаванне міжнародных спаборніцтваў на наступныя два гады, але мы хочам даць як мага больш упэўненасці нашым спартсменам, федэрацыям, прымаючым гарадам і партнёрам. Мы зрабілі ўсё магчымае, каб выбраць даты, якія, на нашу думку, даюць нашым спартсменам і арганізатарам спаборніцтваў лепшы шанц праявіць сябе на міжнароднай арэне", - пракаменціраваў рашэнні аб пераносе турніраў прэзідэнт Міжнароднай федэрацыі лёгкай атлетыкі Себасцьян Коу.
Першапачаткова турнір павінен быў прайсці 2-3 мая, аднак з-за пандэміі каранавіруса было прынята рашэнне аб пераносе на больш позні тэрмін. Цяпер арганізацыя вызначылася з дакладнымі датамі. Спаборніцтвы адбудуцца 23-24 красавіка 2022 года. Акрамя таго, былі зацверджаны новыя даты першынства свету сярод юніёраў. Яно пройдзе ў Найробі з 17 па 22 жніўня 2021 года.-0-
