31 кастрычніка, Мінск /Кар. БЕЛТА/. У Кемераве завяршыліся міжнародныя спаборніцтвы па кікбоксінгу з удзелам беларусаў у рамках форуму "Расія - спартыўная дзяржава", паведамілі БЕЛТА ў прэс-службе Мінспорту.
Адзінаборствы праходзілі сярод спартсменаў усіх узроставых катэгорый і ў шасці дысцыплінах кікбоксінга: "поўны кантакт", "лёгкі кантакт", поінтфайтынг, лоу-кік, сольныя кампазіцыі і К1. Па выніках турніру прадстаўнікі Беларусі выйгралі 35 медалёў, у тым ліку 13 залатых. Пераможцамі спаборніцтваў сталі Марыя Мацейка (тройчы) і Павел Майкоў (да 14 гадоў), Лізавета Сідарава (дзяўчаты да 16 гадоў), Павел Альшанік, Кірыл Грэк, Уладзімір Сямёнаў і Рыгор Фокін (юнакі да 16 гадоў), Яўген Карандзей (юніёры да 18 гадоў), а таксама Максім Казаку, Віктар Нечытайла і Віталь Пратасевіч (мужчыны). Акрамя таго, у актыве беларускай зборнай 16 сярэбраных і 6 бронзавых узнагарод.
Усяго удзел у спаборніцтвах па кікбоксінгу прынялі больш за тысячу атлетаў з Беларусі і 50 суб'ектаў Расійскай Федэрацыі.-0-
