14 мая, Мінск /Кар. БЕЛТА/. Каманда Беларусі па артыстычным плаванні заваявала бронзу чэмпіянату Еўропы ў камбінацыі (адвольная праграма), паведамілі БЕЛТА ў прэс-службе Міністэрства спорту і турызму.
Бронзавымі медалісткамі еўрапейскага першынства з ацэнкай 86,0667 бала сталі Настасся Навасёлава, Вера Буцаль, Ганна Коўцун, Аляксандра Высоцкая, Маргарыта Кірылюк, Валерыя Пузь, Ксенія Куляшова, Яна Кудзіна, Ксенія Трацэўская і Настасся Сувалава.
Золата на рахунку каманды Украіны, якая з вынікам 94,7000 бала абараніла тытул чэмпіёнак, заваяваны ў 2018 годзе. Другое месца ў дружыны Грэцыі. Іх падагульняючая ацэнка 89,1000 бала.
Для беларусак гэта другая ўзнагарода кантынентальнага форуму па водных відах спорту ў гэтым відзе праграмы. Раней Васіліна Хандошка выйграла бронзу чэмпіянату Еўропы па артыстычным плаванні сярод салістак у тэхнічнай праграме.-0-
