23 мая, Мінск /Кар. БЕЛТА/. Экіпаж Беларускага дзяржаўнага ўніверсітэта фізічнай культуры стаў пераможцам першага рэспубліканскага спартыўна-масавага мерапрыемства "Гонкі на драганботах", паведамляе карэспандэнт БЕЛТА.
Спаборніцтвы з удзелам каманд з 17 беларускіх ВНУ прайшлі на рацэ Свіслач ля Палаца спорту. Да фінальнага заезду дайшлі экіпажы Універсітэта грамадзянскай абароны МНС, Палескага дзяржаўнага ўніверсітэта, Беларускага дзяржаўнага ўніверсітэта фізічнай культуры, Беларускага дзяржаўнага ўніверсітэта інфарматыкі і радыёэлектронікі.
У склад кожнай каманды ўвайшлі 10 весляроў, а таксама рулявы і барабаншчык, даўжыня дыстанцыі склала каля 200 метраў. Перамогу ў фінале атрымалі студэнты БДУФК, якія паказалі рэзультат 40,5 секунды. Другое месца занялі прадстаўнікі ПалесДУ (41,1 сек), тройку лепшых замкнуў экіпаж з БДУІР (41,9 сек).
Драганбот - вялікае шматмеснае каноэ з галавой і хвастом дракона. Гісторыя гэтага віду спорту пачалася больш за 2000 гадоў таму ў Кітаі. Сёння ў Паднябеснай такімі гонкамі захапляюцца амаль 50 млн чалавек, таксама такія лодкі папулярныя ў Еўропе, Канадзе і ЗША. Гонкі на драганботах увайшлі ў праграму Сусветных гульняў 2025 года, якія пройдуць у жніўні ў Чэнду.-0-
Спаборніцтвы з удзелам каманд з 17 беларускіх ВНУ прайшлі на рацэ Свіслач ля Палаца спорту. Да фінальнага заезду дайшлі экіпажы Універсітэта грамадзянскай абароны МНС, Палескага дзяржаўнага ўніверсітэта, Беларускага дзяржаўнага ўніверсітэта фізічнай культуры, Беларускага дзяржаўнага ўніверсітэта інфарматыкі і радыёэлектронікі.
У склад кожнай каманды ўвайшлі 10 весляроў, а таксама рулявы і барабаншчык, даўжыня дыстанцыі склала каля 200 метраў. Перамогу ў фінале атрымалі студэнты БДУФК, якія паказалі рэзультат 40,5 секунды. Другое месца занялі прадстаўнікі ПалесДУ (41,1 сек), тройку лепшых замкнуў экіпаж з БДУІР (41,9 сек).
Драганбот - вялікае шматмеснае каноэ з галавой і хвастом дракона. Гісторыя гэтага віду спорту пачалася больш за 2000 гадоў таму ў Кітаі. Сёння ў Паднябеснай такімі гонкамі захапляюцца амаль 50 млн чалавек, таксама такія лодкі папулярныя ў Еўропе, Канадзе і ЗША. Гонкі на драганботах увайшлі ў праграму Сусветных гульняў 2025 года, якія пройдуць у жніўні ў Чэнду.-0-
Падпісвайцеся на нас у
