Фота з архіва
31 снежня, Мінск /Кар. БЕЛТА/. Беларускі абаронца Уладзіслаў Калячонак не змог дапамагчы хакеістам "Юты" перапыніць серыю паражэнняў у матчах рэгулярнага сезона НХЛ, паведамляе карэспандэнт БЕЛТА.
Мінулай ноччу ў выязным паядынку з "Сіэтлам" госці выйшлі наперад у сярэдзіне першага перыяду, але потым гаспадары перахапілі ініцыятыву і ў выніку перамаглі з рэзультатам 5:2. Для 23-гадовага беларускага хакеіста гэта быў 20-ы матч у цяперашнім сезоне, ён правёў на пляцоўцы 13 мінут і не вызначыўся рэзультатыўнымі дзеяннямі. У актыве Уладзіслава Калячонка засталося 5 бамбардзірскіх балаў - 2 галы і 3 рэзультатыўныя перадачы. Хакеісты "Юты" пацярпелі чацвёртае паражэнне запар і цяпер займаюць 10-е месца ў турнірнай табліцы Заходняй канферэнцыі, набраўшы 38 ачкоў у 36 праведзеных сустрэчах.
Сёння вечарам хакеісты "Вашынгтона" з беларускім нападаючым Аляксеем Протасам у складзе прымуць на сваёй арэне "Бостан". Протас у гэтым сезоне ужо ўстанавіў асабісты рэкорд рэзультатыўнасці - у 36 згуляных паядынках ён атрымаў 30 балаў - 14 шайбаў і 16 перадач. "Вашынгтон" набраў 50 ачкоў і знаходзіцца на другой пазіцыі ў табліцы Усходняй канферэнцыі, уступаючы толькі адзін бал хакеістам "Нью-Джэрсі".-0-
Мінулай ноччу ў выязным паядынку з "Сіэтлам" госці выйшлі наперад у сярэдзіне першага перыяду, але потым гаспадары перахапілі ініцыятыву і ў выніку перамаглі з рэзультатам 5:2. Для 23-гадовага беларускага хакеіста гэта быў 20-ы матч у цяперашнім сезоне, ён правёў на пляцоўцы 13 мінут і не вызначыўся рэзультатыўнымі дзеяннямі. У актыве Уладзіслава Калячонка засталося 5 бамбардзірскіх балаў - 2 галы і 3 рэзультатыўныя перадачы. Хакеісты "Юты" пацярпелі чацвёртае паражэнне запар і цяпер займаюць 10-е месца ў турнірнай табліцы Заходняй канферэнцыі, набраўшы 38 ачкоў у 36 праведзеных сустрэчах.
Сёння вечарам хакеісты "Вашынгтона" з беларускім нападаючым Аляксеем Протасам у складзе прымуць на сваёй арэне "Бостан". Протас у гэтым сезоне ужо ўстанавіў асабісты рэкорд рэзультатыўнасці - у 36 згуляных паядынках ён атрымаў 30 балаў - 14 шайбаў і 16 перадач. "Вашынгтон" набраў 50 ачкоў і знаходзіцца на другой пазіцыі ў табліцы Усходняй канферэнцыі, уступаючы толькі адзін бал хакеістам "Нью-Джэрсі".-0-
Падпісвайцеся на нас у
