![](https://blr.belta.by/images/storage/news/with_archive/2024/000028_1710938602_129221_big.jpg)
20 сакавіка, Брэст /Кар. БЕЛТА/. У Брэсце сёння праходзіць фінал абласных спаборніцтваў сярод дзяцей і падлеткаў па шахматах "Белая ладдзя" на прызы Прэзідэнцкага спартыўнага клуба, перадае карэспандэнт БЕЛТА.
Спаборніцтвы праходзяць у Палацы спорту "Вікторыя". У турніры прымаюць удзел каля 90 юнакоў і дзяўчат 2010 года нараджэння і маладзейшыя. Яны сталі пераможцамі занальных адбораў. За перамогу ў рэгіянальным этапе змагаюцца 18 каманд. Гэтыя спаборніцтвы камандныя, але таксама ёсць і асабісты залік.
![](https://img.belta.by/uploads/files/000/IMG_0027.jpg)
![](https://img.belta.by/uploads/files/000/IMG_0057.jpg)
![](https://img.belta.by/uploads/files/000/IMG_0083.jpg)
Для турніру выбраны рапід, або хуткія шахматы. Прадугледжана сем тураў. У перапынках паміж партыямі для юнакоў і дзяўчат падрыхтавалі забавы. У тым ліку яны змогуць памерацца майстэрствам з робатам-шахматыстам і пачаставацца напіткам з "рук" робата-бармена.
![](https://img.belta.by/uploads/files/000/IMG_0230.jpg)
![](https://img.belta.by/uploads/files/000/IMG_0202.jpg)
![](https://img.belta.by/uploads/files/000/IMG_0123.jpg)
Спаборніцтвы прадоўжацца на працягу дня. Мацнейшыя каманды атрымаюць права прадставіць Брэсцкую вобласць у фінале рэспубліканскіх спаборніцтваў "Белая ладдзя" ў Мінску.
![](https://img.belta.by/uploads/files/000/IMG_0489.jpg)
![](https://img.belta.by/uploads/files/0000/IMG_0361.jpg)
![](https://img.belta.by/uploads/files/000/IMG_0316.jpg)
У паўднёва-заходнім рэгіёне моцныя шахматныя школы Баранавіч, Пінска, Брэста, Кобрынскага раёна. Іх выхаванцы складаюць аснову каманды вобласці для ўдзелу ў розных турнірах. "Спаборніцтвы "Белая ладдзя" даюць магчымасць шахматам пайсці далей, у рэгіёны, дзе няма спецыялізаваных навучальных спартыўных устаноў. Раней не было такога вялікага прадстаўніцтва, як у гэтым годзе. У Брэсцкай вобласці зацікаўлены ў папулярызацыі шахмат. Гэта не толькі спорт, але і мастацтва, якія садзейнічаюць інтэлектуальнаму развіццю дзяцей", - падкрэсліла намеснік начальніка ўпраўлення спорту і турызму Брэсцкага аблвыканкама Дзіна Кармалыс. Яна дадала, што ў рэгіёне ўсяляк садзейнічаюць зацікаўленасці дзяцей у шахматах.-0-
![](https://img.belta.by/uploads/files/000/IMG_0209.jpg)
![](https://img.belta.by/uploads/files/000/IMG_0148.jpg)
![](https://img.belta.by/uploads/files/000/IMG_0220.jpg)
![](https://img.belta.by/uploads/files/000/IMG_0325.jpg)
Фота Вадзіма Якубёнка