20 лютага, Мінск /Кар. БЕЛТА/. На I Зімовых міжнародных спартыўных гульнях "Дзеці Прымор’я" стартавалі спаборніцтвы па хакеі, паведамляе карэспандэнт БЕЛТА.
Турнір па хакеі праходзіць у фармаце 3х3 на пляцоўцы "Фетысаў-Арэны" ва Уладзівастоку, удзел у ім прымае зборная Беларусі-U16. У першым матчы групавога этапу нашы юнакі ва ўпартай барацьбе зламалі супраціўленне каманды Сахалінскай вобласці (7:6), у другой гульні разграмілі равеснікаў з Амурскай вобласці (13:0), а ў трэцім паядынку не менш упэўнена разабраліся з прадстаўнікамі кітайскай акругі Цыцыкар (12:0).
За першым матчам зборнай Беларусі-U16 на турніры назіралі кіраўнікі алімпійскіх камітэтаў Беларусі і Расіі Віктар Лукашэнка і Станіслаў Пазнякоў разам з губернатарам Прыморскага края Алегам Кажамякам. Пасля заканчэння сустрэчы прэзідэнт НАК сустрэўся з беларускімі ігракамі, пажадаўшы юнакам захаваць пераможны настрой да канца розыгрышу. Заўтра на хакейным турніры адбудуцца паўфіналы, матчы за медалі будуць праведзены 22 лютага.
I Зімовыя міжнародныя спартыўныя гульні "Дзеці Прымор’я" сабралі больш за тысячу юных спартсменаў з Прыморскага края, Далёкаўсходняй федэральнай акругі РФ, а таксама Беларусі, Кітая, КНДР і Узбекістана. У праграму спаборніцтваў, якія прадоўжацца па 23 лютага, увайшлі лыжныя гонкі, снаўбордынг, гарналыжны спорт, кёрлінг, фігурнае катанне, шорт-трэк, хакей і фіджытал-хакей.-0-
Турнір па хакеі праходзіць у фармаце 3х3 на пляцоўцы "Фетысаў-Арэны" ва Уладзівастоку, удзел у ім прымае зборная Беларусі-U16. У першым матчы групавога этапу нашы юнакі ва ўпартай барацьбе зламалі супраціўленне каманды Сахалінскай вобласці (7:6), у другой гульні разграмілі равеснікаў з Амурскай вобласці (13:0), а ў трэцім паядынку не менш упэўнена разабраліся з прадстаўнікамі кітайскай акругі Цыцыкар (12:0).
За першым матчам зборнай Беларусі-U16 на турніры назіралі кіраўнікі алімпійскіх камітэтаў Беларусі і Расіі Віктар Лукашэнка і Станіслаў Пазнякоў разам з губернатарам Прыморскага края Алегам Кажамякам. Пасля заканчэння сустрэчы прэзідэнт НАК сустрэўся з беларускімі ігракамі, пажадаўшы юнакам захаваць пераможны настрой да канца розыгрышу. Заўтра на хакейным турніры адбудуцца паўфіналы, матчы за медалі будуць праведзены 22 лютага.
I Зімовыя міжнародныя спартыўныя гульні "Дзеці Прымор’я" сабралі больш за тысячу юных спартсменаў з Прыморскага края, Далёкаўсходняй федэральнай акругі РФ, а таксама Беларусі, Кітая, КНДР і Узбекістана. У праграму спаборніцтваў, якія прадоўжацца па 23 лютага, увайшлі лыжныя гонкі, снаўбордынг, гарналыжны спорт, кёрлінг, фігурнае катанне, шорт-трэк, хакей і фіджытал-хакей.-0-
