20 сакавіка, Мінск /Кар. БЕЛТА/. У Казані завяршыліся ўсерасійскія спаборніцтвы па фехтаванні "Вясенні капеж" памяці заслужанага трэнера СССР Уладзіміра Жытлова з удзелам беларускіх спартсменаў, паведамляе карэспандэнт БЕЛТА.
Спаборніцтвы праводзіліся ў дзвюх узроставых катэгорыях: сярод юнакоў і дзяўчат да 15 гадоў (2008-2010 гадоў нараджэння) і да 18 гадоў (2006-2007 гадоў нараджэння). Па выніках стартаў спартсмены з Беларусі заваявалі чатыры ўзнагароды: два залатыя медалі, а таксама па адным сярэбраным і бронзавым. Так, у фехтаванні на шаблях мацнейшай сярод каманд з 17 суб'ектаў Расійскай Федэрацыі аказалася юнацкая зборная Беларусі да 15 гадоў у складзе Уладзіслава Коваля, Савелія Цярэшкі, Андрэя Аўсянкіна і Сяргея Біліновіча. Таксама чэмпіёнамі каманднага турніру ў шаблістаў да 18 гадоў, дзе прынялі ўдзел 13 квартэтаў, сталі нашы Канстанцін Гаўрусік, Раман Грушчавец, Іван Насеннік і Сцяпан Стралкоўскі.
Акрамя таго, бронзавую ўзнагароду спаборніцтваў "Вясенні капеж" у індывідуальным заліку шаблістак да 15 гадоў заваявала беларуска Вікторыя Арцюшанка, а Сцяпан Стралкоўскі акрамя перамогі ў камандзе выйграў серабро асабістага турніру шаблістаў да 18 гадоў.-0-
