Сцяг Пятніца, 29 сакавіка 2024
Усе навіны
Усе навіны
Спорт
29 ліпеня 2022, 11:56

"Юнацтва" і "Нёман" атрымалі першыя перамогі на хакейным турніры памяці Дубко

29 ліпеня, Мінск /Кар. БЕЛТА/. У Гродне стартаваў традыцыйны хакейны турнір памяці былога старшыні Гродзенскага аблвыканкама Аляксандра Дубко, паведамляе карэспандэнт БЕЛТА.

Удзел у спаборніцтве прымаюць сталічнае "Юнацтва", салігорскі "Шахцёр", "Дынама" з Санкт-Пецярбурга (ВХЛ) і гаспадары лёду з "Нёмана". У першы дзень турніру "Юнацтва" сустракалася з "Шахцёрам". Пасля двух перыядаў мінчане ўступалі 1:3, але ў фінальнай трэці зраўнавалі лічбы, а ў авертайме вырвалі перамогу - 4:3. Асноўнага часу не хапіла і ў паядынку "Нёмана" і "Дынама-СПб". Пасля заканчэння 60 мінут на табло гарэлі лічбы 2:2, у серыі пасляматчавых кідкоў больш дакладнымі былі гродзенцы.

Турнір праходзіць у адзін круг: кожная каманда згуляе з другой па матчы, месцы размяркуюцца ў залежнасці ад колькасці набраных ачкоў. Сёння на турніры памяці Дубко "Юнацтва" сустрэнецца з "Дынама-СПб", "Нёман" памераецца сіламі з "Шахцёрам". Сустрэчы трэцяга і апошняга тура пройдуць у суботу.-0-

Падпісвайцеся на нас у
Twitter
Топ-навіны
Свежыя навіны Беларусі