14 красавіка, Мінск /Кар. БЕЛТА/. У Мінску стартавала вырашальная серыя плэй-оф беларускай экстралігі. У першым матчы фіналу хакеісты "Юнацтва" абыгралі "Металург", паведамляе карэспандэнт БЕЛТА.
Гаспадары адкрылі лік у паядынку ўжо праз пяць мінут пасля стартавага ўкідвання. Першы гол фіналу атрымаўся кур'ёзным - пасля прастрэлу Аляксандра Пальчыка шайба трапіла ў клюшку абаронца жлабінчан і спікіравала за спіну галкіперу.
Падвоіць перавагу мінчане змаглі ў пачатку другой трэці, вызначыўся форвард "Юнацтва" Вячаслаў Андрушчанка, які пачынаў сезон у "Металургу". Зрэшты, усяго праз некалькі мінут госці адну шайбу адыгралі: перадачай Аляксандра Суворава скарыстаўся абаронца "ваўкоў" Яраслаў Масленікаў. У распараджэнні жлабінчан былі яшчэ паўтара перыяда, але зраўнаваць лічбы хакеісты "Металурга" так і не змаглі.
Падагульняючы лік сустрэчы - 2:1 на карысць "Юнацтва", сталічны клуб выходзіць у серыі наперад. Другі паядынак паміж камандамі адбудзецца на "Чыжоўка-Арэне" 15 красавіка, пачатак у 19.30.-0-
