4 студзеня, Мінск /Кар. БЕЛТА/. У аўторак у Гомелі, Магілёве і Жлобіне адбыліся першыя ў новым годзе матчы рэгулярнага чэмпіянату беларускай хакейнай экстралігі, паведамляе карэспандэнт БЕЛТА.
У цэнтральным матчы сышліся лепшыя каманды мінулага сезона экстралігі - "Металург" і "Юнацтва". У ходзе сустрэчы мінчане тройчы выходзілі наперад, але "ваўкам" нязменна ўдавалася выправіць становішча. Аднак у фінальнай 20-мінутцы ігракі сталічнага клуба закінулі адразу дзве шайбы, а дзеючыя чэмпіёны адказалі толькі адной. Канчатковы лік - 5:4 на карысць "Юнацтва".
Самы рэзультатыўны паядынак дня выдалі аўтсайдары турнірнай табліцы "Магілёў" і "Ліда", якія забілі на дваіх 11 галоў. На адно ўзяцце варот у лідчан аказалася больш - як вынік 6:5, дублем у складзе пераможцаў вызначыўся Уладзіслаў Бойка. Таксама ў аўторак "Гомель" на сваім лёдзе нанёс паражэнне "Віцебску" з лікам 2:1, рашаючую шайбу за "рысяў" правёў Мікалай Сусла.
У сераду ў чэмпіянаце Беларусі па хакеі таксама адбудуцца тры матчы: "Брэст" прыме аршанскі "Лакаматыў", а "Дынама-Маладзечна" дома сустрэнецца з наваполацкім "Хімікам". Галоўнай вывескай ігравога дня стане процістаянне лідараў экстралігі - "Шахцёра" і "Нёмана". Паядынак салігарчан і гродзенцаў стартуе ў 19.00.-0-
