11 снежня, Мінск /Кар. БЕЛТА/. Беларуская тэнісістка Юлія Гатоўка завяршыла выступленне на турніры ў Дубаі з прызавым фондам $100 тыс., паведамляе карэспандэнт БЕЛТА.
Сёння ў паядынку першага круга беларуска, якая займае 297-е месца ў сусветным рэйтынгу, уступіла ў двух сэтах румынцы Саране Кірсце (85-ы нумар рэйтынгу WTA) - 3:6, 3:6.
У асноўную сетку гэтых спаборніцтваў Юлія Гатоўка прабілася скрозь сіта кваліфікацыі, яна перамагла чэшку Барбару Крэйчыкаву (206) - 6:3, 5:7, 6:2, швейцарку Сюзан Бандзечы (447) - 7:6 (7:2), 4:6, 6:4 і брытанку Эдэн Сілву (498) - 6:3, 6:1.
Яшчэ адна беларуская тэнісістка Вольга Гаварцова (429) у першым крузе асноўнай сеткі прайграла славенцы Тамары Зіданшэк (86) - 7:6 (7:4), 4:6, 6:7 (5:7).
Турнір у Дубаі завершыцца 16 снежня.-0-