6 красавіка, Мінск /Кар. БЕЛТА/. Беларускі нападаючы "Нью-Джэрсі" Ягор Шаранговіч закінуў чарговую шайбу ў матчы рэгулярнага чэмпіянату НХЛ, паведамляе карэспандэнт БЕЛТА.
У паядынку "д'яблаў" супраць "Нью-Ёрк Рэйнджэрс" беларус правёў на лёдзе крыху больш за дзве мінуты, паспеўшы за гэты час адкрыць лік у матчы. У хуткім часе пасля поспеху Шаранговіч пабіўся з аборонцам "рэйнджэраў" Брэйдэнам Шнайдэрам, за што атрымаў штраф да канца гульні як ініцыятар бойкі. Шайба Ягора ў выніку стала для "Дэвілс" адзінай - "Нью-Джэрсі" прайграў саперніку з лікам 1:3.
У 64 гульнях бягучага сезона НХЛ Шаранговіч набраў 40 (20+20) ачкоў.-0-
