9 сакавіка, Мінск /Кар. БЕЛТА/. Беларускі нападаючы "Нью-Джэрсі" Ягор Шаранговіч закінуў чарговую шайбу ў матчы рэгулярнага чэмпіянату Нацыянальнай хакейнай лігі, паведамляе карэспандэнт БЕЛТА.
Каманда Шаранговіча прымала лідара сезона НХЛ - "Каларада". У пачатку другога перыяду госці вялі з лікам 3:0, але потым "д'яблы" закінулі пяць шайбаў запар і ў выніку дабіліся перамогі - 5:3. Беларус вызначыўся голам у пустыя вароты ў канцоўцы сустрэчы, таксама ў актыве Ягора асістэнцкі бал пры другім узяцці варот. Усяго за 51 гульню сезона Шаранговіч набраў 30 (14+16) ачкоў.
У другім матчы дня "Арызона" разграміла "Дэтройт" 9:2, беларускі абаронца "каётаў" Уладзіслаў Калячонак правёў на лёдзе больш за 17 мінут і зарабіў паказчык карыснасці "+2".-0-