11 лютага, Мінск /Кар. БЕЛТА/. Беларускі нападаючы "Нью-Джэрсі Дэвілс" Ягор Шаранговіч набраў тры ачкі ў матчы Нацыянальнай хакейнай лігі, паведамляе карэспандэнт БЕЛТА.
Асабісты рэкорд рэзультатыўнасці за гульню Шаранговіч паўтарыў у матчы "д'яблаў" супраць "Сент-Луіса". Усе рэзультатыўныя дзеянні беларус зрабіў у трэцім перыядзе: спачатку Ягор закінуў дзявятую шайбу ў сезоне, зрабіўшы лік 3:3, а затым двойчы асісціраваў капітану каманды Ніка Хішыру. "Нью-Джэрсі" ў выніку атрымаў перамогу - 7:4.
У 41-м матчы сезона Шаранговіч набраў 21 рэзультатыўны бал (9+12). "Дэвілс" з 39 ачкамі ідуць на сёмым месцы ў сталічным дывізіёне НХЛ, адстаючы ад зоны плэй-оф на 22 балы.-0-