ДЗЯРЖОРГАНЫДЗЯРЖОРГАНЫ
Флаг Серада, 30 лістапада 2022
Мінск -3°C
Усе навіны
Усе навіны
Спорт
18 мая 2022, 14:38

Ягор Герасімаў не выйшаў у фінал кваліфікацыі "Ралан Гарос"

Фота з архіва
Фота з архіва

18 мая, Мінск /Кар. БЕЛТА/. Беларускі тэнісіст Ягор Герасімаў (146-ы нумар сусветнага рэйтынгу) не змог прабіцца ў фінал кваліфікацыі адкрытага чэмпіянату Францыі, паведамляе карэспандэнт БЕЛТА.

Сёння ў другім кваліфікацыйным раўндзе беларус прайграў у дзвюх партыях венгерскаму тэнісісту Жамбору Пірашу (189) - 4:6, 4:6. У вырашальным паядынку за выхад у асноўную сетку другога ў сезоне турніру серыі "Вялікага шлема" сапернікам венгра будзе партугальскі тэнісіст Нуна Боргес (126). У першым крузе Ягор Герасімаў абыграў у трохсэтавым паядынку серба Ніколу Мілаевіча (162) - 7:5, 2:6, 6:2.

У другім матчы жаночай кваліфікацыі беларуска Юлія Гатоўка (218) сустрэнецца з японскай тэнісісткай Наа Хібіна (215). У стартавай сустрэчы Гатоўка абыграла яшчэ адну японку Маі Хонтама (134) - 6:4, 5:7, 6:4. Раней беларуская тэнісістка Вольга Гаварцова (201) уступіла ў першым раўндзе іспанцы Крысціне Буча (127) - 1:6, 3:6.

Без удзелу ў кваліфікацыі на парыжскіх кортах "Ралан Гарос" выступяць чатыры прадстаўнікі Беларусі - Арына Сабаленка (7), Вікторыя Азаранка (15), Аляксандра Сасновіч (45) і Ілья Івашка (50). Асноўны турнір французскага першынства пачнецца 22 мая, а завершыцца 5 чэрвеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі