21 жніўня, Мінск /Кар. БЕЛТА/. Два беларускія тэнісісты паспяхова пачалі выступленне ў кваліфікацыі адкрытага чэмпіянату ЗША ў Нью-Ёрку, паведамляе карэспандэнт БЕЛТА.
Ягор Герасімаў (125-ы нумар сусветнага рэйтынгу) на старце перамог прадстаўніка ЗША Стэфана Казлова (545) - 6:4, 6:4.
Ілья Івашка (143) таксама ў двух сэтах перайграў нямецкага тэнісіста Матса Мараінга (169) - 6:3, 6:0.
Каб трапіць у асноўную сетку US Open, трэба перамагчы ў трох кваліфікацыйных паядынках.-0-