9 снежня, Мінск /Кар. БЕЛТА/. Новым галоўным трэнерам футбалістаў салігорскага "Шахцёра" стаў Іван Біёнчык, паведамляе карэспандэнт БЕЛТА.
Іван Біёнчык змяніў на пасадзе галоўнага трэнера "Шахцёра" Аляксея Багу. Кантракт з новым настаўнікам чэмпіёнаў Беларусі разлічаны на 3 гады. У мінулым сезоне Іван Біёнчык трэніраваў "Гомель", які заняў 4-е месца ў турнірнай табліцы 31-га нацыянальнага першынства. Да гэтага ён узначальваў мінскі "Прамень" і магілёўскі "Дняпро".-0-