ДЗЯРЖОРГАНЫДЗЯРЖОРГАНЫ
Флаг Чацвер, 29 ліпеня 2021
Мінск Малавоблачна +18°C
Усе навіны
Усе навіны
Спорт
21 ліпеня 2021, 15:04

Ісландскі "Хабнарф'ёрдзюр" стаў сапернікам мінскага СКА ў кваліфікацыі Кубка ЕГФ

Фота Getty images
Фота Getty images

21 ліпеня, Мінск /Кар. БЕЛТА/. У Вене адбылася жараб'ёўка стартавых стадый клубных кантынентальных гандбольных турніраў, паведамляе карэспандэнт БЕЛТА.

Віцэ-чэмпіёны Беларусі гандбалісты мінскага СКА ў другім кваліфікацыйным раўндзе другога па рангу турніру - Кубка ЕГФ двойчы сустрэнуцца з ісландскім клубам "Хабнарф'ёрдзюр". Першая гульня адбудзецца 16 або 17 кастрычніка ў Ісландыі, гульня ў адказ - 23 або 24 кастрычніка ў Мінску. У тыя ж тэрміны магілёўскі клуб "Машэка" будзе сапернічаць з латвійскім "Добеле". Іх першая сустрэча пройдзе ў Магілёве, сустрэча ў адказ на пляцоўцы латвійскай каманды.

У розыгрышы Кубка ЕГФ сярод жаночых каманд гандбалісткі брэсцкага клуба "Вікторыя-Бярэсце" ўступяць у барацьбу з другога кваліфікацыйнага раўнда. Сваіх саперніц брастаўчанкі будуць ведаць у канцы кастрычніка пасля стартавых паядынкаў кваліфікацыі. Самі матчы 2-га круга пройдуць у сярэдзіне лістапада.

Чэмпіёнам Беларусі гандбалістам клуба "Мяшкоў Брэст" свае сапернікі па групавым этапе галоўнага турніру Старога Свету - Лігі чэмпіёнаў сталі вядомы раней. У папярэдняй групе А апанентамі брастаўчан будуць нямецкі "Кіль", паўночнамакедонскі "Вардар" (Скоп'е), венгерскі "Пік" (Сегед), дацкі "Ольбарг", нарвежскі "Эльверум", французскі "Манпелье" і харвацкі "Заграб". Турнір стартуе ў сярэдзіне верасня - 15 або 16 верасня чэмпіёны Беларусі прымуць на сваёй арэне адных з галоўных фаварытаў чэмпіёнскай Лігі гандбалістаў "Кіля".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі