ДЗЯРЖОРГАНЫДЗЯРЖОРГАНЫ
Флаг Серада, 1 снежня 2021
Мінск Малавоблачна -4°C
Усе навіны
Усе навіны
Спорт
27 верасня 2021, 10:41

Ілья Івашка ўпершыню падняўся на 45-е месца ў рэйтынгу АТР

Ілья Івашка. Фота Беларускай тэніснай федэрацыі
Ілья Івашка. Фота Беларускай тэніснай федэрацыі

27 верасня, Мінск /Кар. БЕЛТА/. Беларус Ілья Івашка ўпершыню ў кар'еры падняўся на 45-е месца ў рэйтынгу Асацыяцыі тэнісістаў-прафесіяналаў (АТР), паведамляе карэспандэнт БЕЛТА.

Перад выступленнем на турніры ў Нур-Султане Ілья Івашка знаходзіўся на 53-й пазіцыі, а пасля выхаду ў паўфінал спаборніцтваў у казахстанскай сталіцы перамясціўся на 8 пазіцый уверх, маючы ў сваім актыве 1370 ачкоў. Ягор Герасімаў пакінуў першую сотню, апусціўшыся на 112-ы радок (709 ачкоў).

Топ-10 рэйтынгу АТР:

1. Новак Джокавіч (Сербія) - 12 133 ачкі;

2. Данііл Мядзведзеў (Расія) - 10 575;

3. Стэфанас Цыцыпас (Грэцыя) - 8350;

4. Аляксандр Звераў (Германія) - 7760;

5. Андрэй Рублёў (Расія) - 6130;

6. Рафаэль Надаль (Іспанія) - 5815;

7. Матэа Берэціні (Італія) - 5173;

8. Дамінік Цім (Аўстрыя) - 4995;

9. Роджэр Федэрэр (Швейцарыя) - 3765;

10. Каспер Рууд (Нарвегія) - 3440.

У рэйтынгу Жаночай тэніснай асацыяцыі (WTA) беларуска Арына Сабаленка па-ранейшаму на другой пазіцыі. Вікторыя Азаранка займае 34-е месца (1801 ачко), Аляксандра Сасновіч знаходзіцца на 106-м радку (740), Вольга Гаварцова на 136-м месцы (555).

Першая дзясятка рэйтынгу WTA:

1. Эшлі Барці (Аўстралія) - 9726 ачкоў;

2. Арына Сабаленка (Беларусь) - 7005;

3. Караліна Плішкава (Чэхія) - 5265;

4. Іга Свёнтэк (Польшча) - 4756;

5. Барбара Крэйчыкава (Чэхія) - 4668;

6. Эліна Світоліна (Украіна) - 4491;

7. Наомі Осака (Японія) - 4326;

8. Сафія Кенін (ЗША) - 4309;

9. Гарбінье Мугуруса (Іспанія) - 4135;

10. Марыя Сакары (Грэцыя) - 3995.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі