17 жніўня, Мінск /Кар. БЕЛТА/. Беларускі тэнісіст Ілья Івашка завяршыў выступленне ў адзіночным разрадзе турніру серыі "Чэленджар" у Празе з прызавым фондам $137,5 тыс., паведамляе карэспандэнт БЕЛТА.
Сёння ў матчы 1/16 фіналу беларус, які займае 138-е месца ў сусветным рэйтынгу, уступіў у двух сэтах Томашу Махачу, у якога 255-я пазіцыя, - 0:6, 5:7. Сустрэча прадаўжалася 1 гадз 20 мінут.
У матчы за выхад у чвэрцьфінал Томаш Махач сустрэнецца з пераможцам паядынку паміж славакам Марцінам Кліжанам (159-ы нумар сусветнага рэйтынгу) і прадстаўніком Швецыі Эліясам Імерам (206).
Заўтра Ілья Івашка і індыйскі тэнісіст Суміт Нагал у 1/8 фіналу парнага разраду згуляюць з новазеландска-славацкім дуэтам Арцём Сітак / Ігор Зеленай.
Турнір у чэшскай сталіцы завершыцца 22 жніўня.-0-
