Сцяг Субота, 13 красавіка 2024
Усе навіны
Усе навіны
Спорт
13 лютага 2023, 14:11

Ігрок мінскага "Дынама" Джозеф Душак прызнаны лепшым абаронцам тыдня ў КХЛ

13 лютага, Мінск /Кар. БЕЛТА/. Кантынентальная хакейная ліга вызначыла лепшых ігракоў 23-га тыдня рэгулярнага чэмпіянату сезона 2022/2023, паведамляе БЕЛТА са спасылкай на прэс-службу КХЛ.

Лепшым іграком абароны мінулага тыдня быў названы абаронца мінскага "Дынама" Джозеф Душак, гэтага звання амерыканец удастоены другі раз у кар'еры. У трох апошніх матчах "зуброў" Душак зарабіў 6 (1+5) рэзультатыўных балаў, што стала лепшым рэзультатам сярод усіх палявых ігракоў лігі. На рахунку хакеіста таксама два блакіраваныя кідкі і адзін адбор шайбы. На гэты час у актыве Джозефа 43 (8+35) ачкі ў 63 гульнях сезона, што з'яўляецца рэкордам "Дынама" па набраных балах для абаронцаў.

За пяць матчаў да заканчэння рэгулярнага чэмпіянату КХЛ падапечныя Крэйга Вудкрафта займаюць 8-е месца ў Заходняй канферэнцыі КХЛ. Сёння мінская каманда правядзе выязны паядынак супраць омскага "Авангарда", сустрэча стартуе ў 16.30.-0-

Падпісвайцеся на нас у
Twitter
Топ-навіны
Свежыя навіны Беларусі