22 лістапада, Мінск /Кар. БЕЛТА/. Ігракі "Дынама-Мінск" Ілья Усаў і Аляксей Коласаў стануць удзельнікамі матчу зорак КХЛ-2022 ад каманды "Еўразія". Такая інфармацыя змешчана ў афіцыйным Telegram-канале сталічнай хакейнай дружыны, паведамляе БЕЛТА.
Аляксей Коласаў стаў пераможцам галасавання балельшчыкаў для ўдзелу ў Матчы зорак КХЛ сярод усіх ігракоў лігі. Яго рэзультат - 3777 галасоў. Ілья Усаў - трэці ў падагульняючай табліцы, яго рэзультат 3146 галасоў.
Сёння стартуе галасаванне прадстаўнікоў СМІ, акрэдытаваных на сезон 2021/2022. Ім трэба будзе выбраць трох палявых ігракоў у кожную з каманд. Журналісты маюць магчымасць прагаласаваць да 10.00 26 лістапада.
Астатнія хакеісты будуць выбраны лігай. Кожная каманда будзе складацца з двух варатароў, дзевяці палявых ігракоў і двух трэнераў. Канчатковыя склады аб'явяць за месяц да пачатку зорнага ўік-энда - 14 снежня 2021 года.-0-