Сцяг Пятніца, 29 сакавіка 2024
Усе навіны
Усе навіны
Спорт
01 ліпеня 2021, 13:18

ХК "Гомель" прадставіць Беларусь у розыгрышы Кантынентальнага кубка IIHF

1 ліпеня, Мінск /Кар. БЕЛТА/. Уладальнік серабра мінулага сезона чэмпіянату Беларусі па хакеі "Гомель" прадставіць Беларусь у розыгрышы Кантынентальнага кубка Міжнароднай федэрацыі хакея (IIHF). Такая інфармацыя размешчана на афіцыйным сайце арганізацыі.

"Рысі" трапілі ў групу F, якая правядзе свае матчы ў горадзе Ольбарг (Данія). Сапернікамі падапечных Сяргея Стася будуць "Ольбарг Пайрэтс" (Данія), "Шэфілд Стылерз" (Вялікабрытанія) і каманда-пераможца адной з груп папярэдняга раўнда з найвышэйшым рэйтынгам IIHF. Матчы пройдуць з 19 па 21 лістапада 2021 года.

Беларускія каманды чатыры разы выйгравалі Кантынентальны кубак IIHF. Мінскае "Юнацтва" з'яўляецца рэкардсменам спаборніцтваў, запісаўшы на свой рахунак тры вікторыі (2006/2007, 2010/2011, 2017/2018). Таксама ў сезоне 2014/2015 трафей выйграваў гродзенскі "Нёман".-0-

Падпісвайцеся на нас у
Twitter
Топ-навіны
Свежыя навіны Беларусі