Мабільная версія
ДЗЯРЖОРГАНЫ

Апошнія навіны
Усе навіны

ХК "Гомель" пацярпеў паражэнне ад "Ліды" напярэдадні суперфіналу ў Кантынентальным кубку

Спорт 09.01.2019 | 13:13
У час матчу "Ліда" - "Гомель". Фота ХК "Ліда"
У час матчу "Ліда" - "Гомель". Фота ХК "Ліда"

9 студзеня, Мінск /Кар. БЕЛТА/. Хакеісты "Гомеля" ўступілі з лікам 1:6 у чэмпіянаце Беларусі ў экстралізе сапернікам з "Ліды". Паражэнне адбылося перад выездам беларускай каманды ў Белфаст (Паўночная Ірландыя), дзе пройдзе суперфінал Кантынентальнага кубка, паведамляе карэспандэнт БЕЛТА.

Каманды сустракаліся нядаўна, 6 студзеня, і "рысі" атрымалі перамогу - 3:1. Лідчанам у паўторнай гульні ўдалося ўзяць пераканаўчы рэванш. Пасля матчу галоўны трэнер гамяльчан Алег Хмыль прызнаў, што гэта быў адзін з горшых паядынкаў каманды ў бягучым сезоне, у чым ёсць і яго віна. "Хацеў паберагчы хлопцаў да вырашальных матчаў Кантынентальнага кубка", - адзначыў галоўны трэнер.

Фінальны турнір пройдзе з 11 па 13 студзеня на Arena Belfast (7400 гледачоў). У вырашальнай стадыі Кантынентальнага кубка "Гомель" згуляе 11 студзеня з "Белфастам" (Паўночная Ірландыя), 12 студзеня "Арланам" (Казахстан) і 13 студзеня "ГКС Катавіцэ" (Польшча).

Беларусь раней тройчы прымала фінальную частку розыгрышу ганаровага трафея: у 2004-м у Гомелі, а ў 2011 і 2018 гадах кубак разыгралі ў Мінску. Хакейны клуб "Юнацтва" з'яўляецца трохразовым пераможцам турніру.

У чэмпіянаце Беларусі ў экстралізе ў мінулым туры "Юнацтва" па булітах адолела "Дынама-Маладзечна" - 3:2. Вырашальны гол у серыі пасляматчавых кідкоў па варотах "Дынама-Маладзечна" запісаў на свой рахунак Станіслаў Лапачук.

Дзеючы чэмпіён экстралігі "Нёман" упэўнена перагуляў жлобінскі "Металург" - 4:1. Салігорскі "Шахцёр" на сваёй пляцоўцы атрымаў перамогу над маладзёжнай зборнай Беларусі да 20 гадоў - 8:1.

У турнірнай табліцы першы радок утрымліваюць падапечныя Міхаіла Захарава: "Юнацтва-Мінск" - 91 (38), "Нёман" - 79 (37), "Шахцёр" - 78 (38), "Дынама-Маладзечна" - 66 (39), "Гомель" - 54 (38), "Металург-Жлобін" - 39 (38), "Ліда" - 37 (38), Беларусь U-20 - 12 (38).

Чарговыя матчы ў экстралізе чэмпіянату Беларусі па хакеі адбудуцца 10 студзеня.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Небяспека вясенніх выпальванняў Агонь на прысядзібным участку, паблізу збудаванняў можа стаць прычынай узгарання і нанесці ўрон.