16 красавіка, Мінск /Кар. БЕЛТА/. Хакеісты маскоўскага ЦСКА абыгралі "Авангард" з лікам 3:0 у другім фінальным матчы ў барацьбе за Кубак Гагарына, паведамляе карэспандэнт БЕЛТА.
У параўнанні з першым матчам гэтых каманд, які завяршыўся перамогай армейцаў з лікам 5:2, другая гульня атрымалася менш рэзультатыўнай. У першым і другім перыядах каманды мелі нядрэнныя моманты, але ўпэўнена дзейнічалі варатары фіналістаў. Лёс сустрэчы вырашыўся на 54-й мінуце. Кідок Канстанціна Акулова прыпаў на перакладзіну варот "Авангарда", а затым шайба ад спіны галкіпера адскочыла ў сетку варот - 1:0. У канцы трэцяга перыяду омічы двойчы замянялі варатара на шостага палявога іграка, але ЦСКА яшчэ двойчы паразіў вароты саперніка - 3:0.
Трэці матч фінальнай серыі да чатырох перамог адбудзецца 17 красавіка на пляцоўцы "Авангарда" ў падмаскоўным горадзе Балашыха.-0-
