1 сакавіка, Мінск /Кар. БЕЛТА/. На пляцоўцы "Чыжоўка-Арэны" завяршыўся фінальны турнір рэспубліканскіх спаборніцтваў сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь у старэйшай узроставай групе дывізіёна "А", паведамляе карэспандэнт БЕЛТА.
Удзел у рэспубліканскім этапе спаборніцтваў прынялі каманды хакеістаў 2009-2010 гадоў нараджэння з гарадоў і раёнаў краіны, дзе ёсць крытыя лядовыя арэны. У фінальным турніры выступілі восем калектываў - па адным з кожнай вобласці, а таксама два са сталіцы. Як і год таму, да вырашальнага матчу дабраліся "Лакаматыў" з Цэнтральнага раёна і "Тарнада", які прадстаўляе Заводскі раён Мінска. Ключавым у фінале аказаўся другі перыяд, дзе хакеісты "Лакаматыва" адправілі ў чужыя вароты дзве шайбы без адказу. У заключнай трэці лідары дабавілі яшчэ адзін гол, як вынік - 3:0 і чарговае чэмпіёнскае званне.
Таксама ў пятніцу адбыліся матчы за трэцяе, пятае і сёмае месцы дывізіёна "А" ў старэйшай узроставай групе. Уладальнікамі бронзавых узнагарод сталі хакеісты гродзенскіх "Ястрабаў", якія ў медальным паядынку абыгралі "Паўночных мядзведзяў" з Віцебскай вобласці з лікам 12:3. На падагульняючым пятым радку размясціўся "Атлант" з Кобрынскага раёна, які адолеў гомельскіх "Рысяў" (9:1). Сёмую пазіцыю занялі дзеці з горацкага "Сокала", якія былі мацнейшыя за "Маладзечна-Юні" (12:4).
Фінальны турнір у малодшай групе дывізіёна "А" пройдзе з 12 па 15 сакавіка. Прадстаўнікі дывізіёна "Б" вызначаць мацнейшых у сваіх узроставых катэгорыях з 20 па 29 сакавіка.-0-
Удзел у рэспубліканскім этапе спаборніцтваў прынялі каманды хакеістаў 2009-2010 гадоў нараджэння з гарадоў і раёнаў краіны, дзе ёсць крытыя лядовыя арэны. У фінальным турніры выступілі восем калектываў - па адным з кожнай вобласці, а таксама два са сталіцы. Як і год таму, да вырашальнага матчу дабраліся "Лакаматыў" з Цэнтральнага раёна і "Тарнада", які прадстаўляе Заводскі раён Мінска. Ключавым у фінале аказаўся другі перыяд, дзе хакеісты "Лакаматыва" адправілі ў чужыя вароты дзве шайбы без адказу. У заключнай трэці лідары дабавілі яшчэ адзін гол, як вынік - 3:0 і чарговае чэмпіёнскае званне.
Таксама ў пятніцу адбыліся матчы за трэцяе, пятае і сёмае месцы дывізіёна "А" ў старэйшай узроставай групе. Уладальнікамі бронзавых узнагарод сталі хакеісты гродзенскіх "Ястрабаў", якія ў медальным паядынку абыгралі "Паўночных мядзведзяў" з Віцебскай вобласці з лікам 12:3. На падагульняючым пятым радку размясціўся "Атлант" з Кобрынскага раёна, які адолеў гомельскіх "Рысяў" (9:1). Сёмую пазіцыю занялі дзеці з горацкага "Сокала", якія былі мацнейшыя за "Маладзечна-Юні" (12:4).
Фінальны турнір у малодшай групе дывізіёна "А" пройдзе з 12 па 15 сакавіка. Прадстаўнікі дывізіёна "Б" вызначаць мацнейшых у сваіх узроставых катэгорыях з 20 па 29 сакавіка.-0-
