2 красавіка, Мінск /Кар. БЕЛТА/. Хакеісты піцерскага СКА атрымалі першую перамогу над маскоўскім ЦСКА ў фінальнай серыі Заходняй канферэнцыі КХЛ, паведамляе карэспандэнт БЕЛТА.
Пасля двух запар паражэнняў у Маскве (1:2, 1:3) падапечныя Ільі Вараб'ёва ў Санкт-Пецярбургу адразу пайшлі ў атаку, але ў першым перыядзе вызначыцца не змаглі. Больш таго, за секунду да першага перапынку форвард масквічоў Павел Карнавухаў скарыстаўся памылкай абаронцаў гаспадароў і адкрыў лік. Толькі ў сярэдзіне другога перыяду Аляксандр Барабанаў вярнуў раўнавагу, у трэцяй дваццацімінутцы закінутых шайб не было. Гульня перайшла ў авертайм. У канцы 13-й мінуты першага дадатковага перыяду нападаючы СКА Мікалай Прахоркін перахапіў шайбу ў цэнтры пляцоўкі і, знаходзячыся ў акружэнні пяцярых сапернікаў, змог паразіць вароты Ільі Сарокіна - 2:1. Наступныя армейскія дэрбі адбудуцца 3 красавіка ў Санкт-Пецярбургу, а 5 красавіка каманды зноў сустрэнуцца ў Маскве.
У фінале Усходняй канферэнцыі омскі "Авангард" два разы перамог на арэне ў падмаскоўнай Балашысе ўфімскі "Салават Юлаеў" - 4:3 і 4:1. Сёння гэтыя каманды згуляюць ва Уфе.-0-
