8 красавіка, Мінск /Кар. БЕЛТА/. Хакеісты СКА абыгралі ЦСКА з лікам 3:2 і зраўнавалі лік у серыі фіналу Заходняй канферэнцыі КХЛ, паведамляе карэспандэнт БЕЛТА.
Першая частка матчу, які завяршыўся ў Санкт-Пецярбургу, лепш удалася гаспадарам пляцоўкі. Наіль Якубаў двойчы паразіў вароты масквічоў, і да сярэдзіны другога перыяду СКА лідзіраваў 2:0. ЦСКА намаганнямі Мэта Робінсана яшчэ да перапынку зраўнаваў лік - 2:2. У трэцім перыядзе цэлі дасягнуў дакладны кісцевы кідок нападаючага піцерцаў Мікіты Гусева - 3:2. Маскоўскі клуб пасля прапушчанай шайбы двойчы гуляў у большасці, але закінуць трэцюю шайбу гасцям не ўдалося.
Лік у серыі да чатырох перамог - 3:3. Рашаючы, сёмы, матч серыі адбудзецца 9 красавіка ў Маскве.-0-