ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Пераменная воблачнасць +8°C
Усе навіны
Усе навіны
Спорт
01 чэрвеня 2021, 13:22

Хакеісты Расіі перамаглі шведаў у матчы ЧС у Рызе

Фота з архіва
Фота з архіва

1 чэрвеня, Мінск /Кар. БЕЛТА/. Хакеісты Расіі перамаглі шведаў на чэмпіянаце свету ў Рызе, паведамляе карэспандэнт БЕЛТА.

Лідары папярэдняй групы А расіяне да сярэдзіны трэцяга перыяду прайгравалі скандынавам, потым выйшлі наперад, але шведы змаглі зраўнаваць лік і перавесці гульню ў авертайм - 2:2. У серыі пасляматчавых булітаў удача была на баку расійскіх хакеістаў 3:2. Пасля гэтага паражэння шведская дружына ўпершыню за доўгія гады страціла шанц выйсці ў чвэрцьфінал і прадоўжыць барацьбу за ўзнагароды планетарнага форуму. У другім учарашнім паядынку гэтай групы хакеісты Чэхіі перамаглі датчан таксама ў серыі булітаў - 2:1.

Беларуская зборная сёння завершыць выступленне на сусветным першынстве сустрэчай з расіянамі. Швейцарцы згуляюць з камандай Вялікабрытаніі, а славакі будуць сапернічаць з чэхамі. Становішча каманд перад заключнымі гульнямі: Расія - 14 ачкоў (6 матчаў), Швейцарыя - 12 (6), Славакія - 12 (6), Чэхія - 10 (6), Швецыя - 10 (7), Данія - 9 (7), Беларусь - 4 (6), Вялікабрытанія - 4 (6). Расіяне, швейцарцы, чэхі і славакі прабіліся ў чвэрцьфінальную стадыю.

У групе В хакеісты Нарвегіі абыгралі зборную Казахстана - 3:1, зборная ЗША перайграла немцаў з лікам 2:0. Турнірнае становішча: ЗША - 15 (6), Фінляндыя - 15 (6), Казахстан - 10 (7), Германія - 9 (6), Канада - 9 (6), Латвія - 9 (6), Нарвегія - 8 (7), Італія - 0 (6). Сёння тут адбудуцца тры сустрэчы: Канада - Фінляндыя, Італія - ЗША, Германія - Латвія. Амерыканцы і фіны ўжо забяспечылі сабе выхад у плэй-оф.

Пасля завяршэння першага этапу ў чвэрцьфінал выходзяць па чатыры лепшыя каманды з кожнай групы. У сувязі з адменай сусветных чэмпіянатаў у ніжэйшых групах ніхто не пакіне элітны дывізіён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі