9 снежня, Мінск /Кар. БЕЛТА/. Хакеісты "Нью-Джэрсі Дэвілз" абыгралі "Філадэльфію Флаерз" у дамашнім матчы чэмпіянату НХЛ. Паядынак завяршыўся з лікам 3:0 (0:0, 2:0, 1:0) на карысць падапечных Ліндзі Рафа, паведамляе карэспандэнт БЕЛТА.
Беларускі ігрок у складзе "Дэвілз" Ягор Шаранговіч запісаў на свой рахунак асістэнцкі бал пры трэцім узяцці варот "Лётчыкаў", якія знялі з гульні варатара. Таксама на рахунку беларуса адзін кідок і адзін сілавы прыём. На лёдзе экс-мінскі дынамавец правёў 16 мін 50 сек., завяршыўшы матч з паказчыкам карыснасці "+1".
Галы ў пераможцаў на свой рахунак запісалі Еспер Брат (26-я мінута), Доўсан Мерсер (32-я мінута) і Майкл Маклаўд (59-я мінута).-0-
