5 красавіка, Мінск /Кар. БЕЛТА/. Хакеісты "Нёмана" абыгралі "Юнацтва" ў авертайме з лікам 2:1 у другім матчы фінальнай серыі экстралігі, паведамляе карэспандэнт БЕЛТА.
Сустрэча ў "Чыжоўка-Арэне" праходзіла па падобным сцэнарыі, што першая гульня. Аўтарам першай шайбы стаў абаронца гродзенцаў Аляксей Бадун. "Юнацтва" адыгралася дзякуючы дакладнаму кідку ў другім перыядзе Дзмітрыя Знахарэнкі. Лік 1:1 захаваўся да заканчэння трэцяга перыяду.
У авертайме на гэты раз удача была на баку гасцей. Аляксандр Маляўка замкнуў перадачу партнёра на далёкай штанзе і прынёс перамогу "Нёману" - 2:1.
Першы матч за дзень да гэтага завяршыўся перамогай мінчан - 4:3 у авертайме. Лік у серыі да чатырох перамог - 1:1.
Каманды пераязджаюць у Гродна, дзе згуляюць 7 красавіка ў 13.00 на пляцоўцы "Нёмана".-0-
