19 красавіка, Мінск /Кар. БЕЛТА/. У беларускай хакейнай экстралізе прадаўжаецца фінал Кубка Прэзідэнта, у якім трафей аспрэчваюць жлобінскі "Металург" і гродзенскі "Нёман", паведамляе карэспандэнт БЕЛТА.
Пасля трох матчаў лідарства ў чэмпіёнскай серыі захапілі гродзенцы (2:1), чацвёртая гульня процістаяння прайшла ў Жлобіне. Папярэдняя сустрэча каманд завяршылася перамогай "Нёмана" з лікам 5:0, аднак падзеі ў паядынку разгарнуліся наадварот - на гэты раз без закінутых шайбаў сапернікаў пакінулі ігракі "Металурга". Самі жлабінчане ўпершыню змаглі вызначыцца толькі ў сярэдзіне другога перыяду, калі наперад гаспадароў вывеў Ягор Воранаў. У заключнай 20-мінутцы Данііл Сацішвілі ўмацаваў перавагу падапечных Дзмітрыя Краўчанкі, а канчатковы лік - 3:0 на карысць "стальных ваўкоў" - устанавіў Сяргей Кузняцоў.
Такім чынам, хакеісты "Металурга" другі раз зраўнавалі лічбы ў чэмпіёнскай серыі да чатырох перамог (2:2). Пяты матч фіналу Кубка Прэзідэнта адбудзецца ў Гродне ў чацвер, шостая гульня паміж камандамі пройдзе 22 красавіка зноў у Жлобіне. Пры неабходнасці сёмы матч процістаяння будзе праведзены 24 красавіка.-0-
