16 кастрычніка, Мінск /Кар. БЕЛТА/. Пасля таго, як падапечныя Аляксандра Макрыцкага ўступілі ў серыі булітаў фінскаму "Лахці Пеліканс", "Оцэларжы Тршынец" для праходу ў плэй-оф Лігі чэмпіёнаў трэба было зарабіць толькі адно ачко. Аднак "Лазана" аказалася моцным арэшкам і перамагла чэшскую дружыну з лікам 5:3 (2:1, 1:1, 2:1). Такім чынам, далей па турнірным шляху пайшло мінскае "Юнацтва", якое зарабіла на ачко больш за асноўных канкурэнтаў, паведамляе карэспандэнт БЕЛТА.
Хакеісты "Лазаны" адкрылі лік ужо на 4-й мінуце матчу. Вызначыўся Крыстаф Берчы. Эрык Грня праз 9 мінут зраўняў лік, але раўнавага пратрымалася нядоўга. Віктар Ойдэмарк вывеў швейцарскі клуб наперад, а Коры Эмертан умацаваў яго становішча на шляху да перамогі. Чэх Міхал Коваржчык скараціў розніцу ў ліку да 3:2, але латвіец Роналдс Кеніньш зноў вывеў "Лазану" на дзве шайбы наперад. Пётр Врана падарыў "Оцэларжы Тршынец" надзею, закінуўшы шайбу за 7 мінут 45 секунд да канца асноўнага часу матчу. Але за імгненне да фінальнай сірэны фін Петэры Ліндбам адправіў у вароты каманды з Тршынеца пятую шайбу.
Падагульняючае становішча ў групе D пасля 6-га тура такое: "Лазана" - 12 ачкоў, "Юнацтва-Мінск" - 9, "Оцэларжы Тршынец" - 8, "Лахці Пеліканс" - 7.
Пра свайго саперніка па 1/8 фіналу хакеісты "Юнацтва" даведаюцца ў пятніцу, 18 кастрычніка. Матчы першай стадыі плэй-оф пройдуць 12-13 і 19-20 лістапада.-0-
