25 лютага, Мінск /Кар. БЕЛТА/. Хакеісты мінскага "Юнацтва" сталі пераможцамі рэгулярнага чэмпіянату беларускай экстралігі, паведамляе карэспандэнт БЕЛТА.
У чацвер дзеючыя чэмпіёны краіны ў гасцях абыгралі галоўнага праследавацеля - жлобінскі "Металург" з лікам 3:0. Такім чынам, за адзін матч да канца "рэгуляркі" адрыў мінчан ад "ваўкоў" павялічыўся да 5 ачкоў, што гарантуе "Юнацтву" першы пасеў у маючым адбыцца розыгрышы Кубка Прэзідэнта. Сталічны клуб выйграе рэгулярны чэмпіянат чацвёрты сезон запар.
Акрамя таго, сёння сталі вядомы дзве пары першага раўнда плэй-оф, які стартуе 8 сакавіка. "Гомель", які заняў 3-е месца ў турнірай табліцы экстралігі, у чвэрцьфінале сустрэнецца з гродзенскім "Нёманам", які стаў 6-м.
Таксама ў першым раўндзе паміж сабой згуляюць "Шахцёр" і "Віцебск", якія ідуць на 4-м і 5-м месцах адпаведна. Якая з гэтых каманд атрымае перавагу дамашняй пляцоўкі, стане вядома пасля заключнага тура, які пройдзе ў суботу.-0-