Сцяг Пятніца, 29 сакавіка 2024
Усе навіны
Усе навіны
Спорт
11 красавіка 2019, 10:42

Хакеісты "Юнацтва" перамаглі "Нёман" і сталі ўладальнікамі Кубка Прэзідэнта

11 красавіка, Мінск /Кар. БЕЛТА/. Хакеісты мінскага "Юнацтва" абыгралі ў пятым матчы фінальнай серыі плэй-оф гродзенскі "Нёман" з лікам 2:0 і сталі ўладальнікамі Кубка Прэзідэнта, паведамляе карэспандэнт БЕЛТА.

Вырашальны матч у "Чыжоўка-Арэне" праходзіў па аналагічным сцэнарыі, што і раней у Гродне. Каманды ўдзялілі шмат увагі абароне. У трэцім перыядзе адзін з лідараў нападзення "Юнацтва" Міхаіл Стэфановіч спрабаваў убяжаць з галкіперам гродзенцаў, але быў не па правілах спынены абаронцамі. Арбітры назначылі пенальці, які рэалізаваў Станіслаў Лапачук - 1:0. Другую шайбу ў пустыя вароты гасцей на 60-й хвіліне гульні закінуў вопытны нападаючы мінчан Аляксандр Кулакоў.

Рэзультат фінальнай серыі - 4:1.

"Хакейнаму клубу "Юнацтва" давялося перажыць складаныя тры гады, калі апошні раз у 2016-м заваёўвалі чэмпіёнства. Абыграць "Нёман" у фінале, які да гэтага двойчы станавіўся лепшым у чэмпіянаце, - дарагога каштуе. Пачатак гэтага сезона для нас быў няпросты, але мы працавалі, ішлі да гэтага поспеху, мала прайгравалі і часта перамагалі, таму наш поспех у плэй-оф заканамерны. Гэту перамогу, гэта чэмпіёнства хачу прысвяціць сваёй нованароджанай дачцэ і старэйшай Хрысціне", - расказаў пасля фінальнага пятага матчу Міхаіл Захараў.

Хакеісты мінскага "Юнацтва" восьмы раз у сваёй гісторыі сталі чэмпіёнамі Беларусі і ўладальнікамі Кубка Прэзідэнта, гродзенскі "Нёман" заняў другое месца. Уладальнік бронзавых узнагарод вызначыцца ў процістаянні салігорскага "Шахцёра" і "Дынама-Маладзечна".-0-

Падпісвайцеся на нас у
Twitter
Топ-навіны
Свежыя навіны Беларусі