ДЗЯРЖОРГАНЫДЗЯРЖОРГАНЫ
Панядзелак, 30 сакавіка 2020
Мінск Суцэльная воблачнасць 0°C
Усе навіны
Усе навіны
Спорт
19 лютага 2020, 14:26

Хакеісты "Юнацтва" перамаглі "Дынама-Маладзечна" і ўмацавалі лідарства ў чэмпіянаце Беларусі

У час матчу. Фота ФХБ
У час матчу. Фота ФХБ

19 лютага, Мінск /Кар. БЕЛТА/. Хакеісты мінскага "Юнацтва" перамаглі "Дынама-Маладзечна" з лікам 3:2 (2:0, 1:0, 0:2), умацаваўшы лідарства ў чэмпіянаце Беларусі, паведамляе карэспандэнт БЕЛТА.

Матч паміж прынцыповымі сапернікамі развіваўся па сцэнарыі "Юнацтва". Да пачатку другой трэці паядынку гаспадары лёду вялі з лікам 3:0 дзякуючы галам Дзяніса Цыганова, Данілы Бокуна і Усевалада Кашкара.

Да трэцяга перыяду маладзечанцы выраўнавалі сітуацыю на пляцоўцы. Спачатку на 48-й мінуце Руслан Журня скараціў адставанне, а за тры мінуты да фінальнай сірэны Вячаслаў Грэцкі зрабіў перавагу ў ліку падапечных Аляксандра Макрыцкага яшчэ больш хісткай. Але да авертайму справа так і не дайшла. Мінчане змаглі адстаяць выгадны для іх лік.

У другім паядынку 18 лютага жлобінскі "Металург" нанёс паражэнне "Нёману" ў дадатковы час - 2:1 (0:0, 1:0, 0:1, 1:0), а раней салігорскі "Шахцёр" у гасцях уступіў "Гомелю" - 2:4 (1:0, 1:2, 0:2).

Такім чынам, за тыдзень да завяршэння "гладкага" чэмпіянату "Юнацтва" пасля 55 матчаў набрала 118 ачкоў. У бліжэйшых праследавацеляў з Гродна 113 пунктаў. Замыкаюць тройку мацнейшых "гарнякі", у якіх на рахунку 98 ачкоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі