Мабільная версія
ДЗЯРЖОРГАНЫ

Апошнія навіны
Усе навіны

Хакеісты "Юнацтва" абыгралі з мінімальным лікам "Нёман" у Кубку Беларусі

Спорт 08.08.2018 | 16:13
У час матчу "Нёман" - "Юнацтва". Фота гродзенскага клуба
У час матчу "Нёман" - "Юнацтва". Фота гродзенскага клуба

8 жніўня, Мінск /Кар. БЕЛТА/. Хакеісты "Юнацтва" абыгралі "Нёман" з мінімальным лікам 1:0 на папярэдняй стадыі Кубка Беларусі ў групе "А", паведамляе карэспандэнт БЕЛТА.

Адзіная шайба ў Лядовым палацы ў Гродне была закінута на 25-й хвіліне сустрэчы. Яе аўтарам стаў Ягор Гайнетдзінаў, які пасля выйгранага ўкідвання партнёрам у зоне гаспадароў лёду адразу кінуў па варотах Віталя Труса - 1:0.

Пасля завяршэння гульні настаўнік мінчан Міхаіл Захараў, які перавыбраны на пасаду кіраўніка трэнерскага савета Федэрацыі хакея Беларусі, адзначыў, што абедзве вядучыя каманды рыхтуюцца да старту ў Лізе чэмпіёнаў (31 жніўня), і на старце Кубка Салея, як яшчэ называецца розыгрыш ганаровага трафея, "Юнацтва" і "Нёман" прадэманстравалі нядрэнны хакей.

У іншых матчах групы "А" ўкраінскі "Данбас", які выступае па-за конкурсам, у серыі булітаў абыграў "Гомель" - 6:5, жлобінскі "Металург" уступіў "Дынама-Маладзечна" - 1:5. Нечаканае паражэнне на выездзе ад маладзёжнай зборнай Беларусі пацярпелі хакеісты "Шахцёра" - 0:1.

Чарговыя матчы ў групе "А" розыгрышу Кубка Салея пройдуць 10 жніўня. На папярэдняй стадыі лідзіруюць пасля двух тураў "Дынама-Маладзечна" і "Юнацтва", якія зарабілі па пяць ачкоў.

Па выніках аднакругавога турніру дзве лепшыя каманды групы "А" 24 жніўня згуляюць у фінальным кубкавым паядынку.

Кубак Беларусі па хакеі разыгрываецца 18-ы раз. Самымі паспяховымі яго ўдзельнікамі з'яўляюцца "Гомель" і "Юнацтва", у якіх па 5 трафеяў. Па два разы Кубкам валодалі хакеісты "Нёмана", а таксама сталічныя клубы "Дынама" і "Керамін", адзін раз яго выйграў жлобінскі "Металург".-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.