ДЗЯРЖОРГАНЫДЗЯРЖОРГАНЫ
Флаг Субота, 8 мая 2021
Мінск Суцэльная воблачнасць +8°C
Усе навіны
Усе навіны
Спорт
26 сакавіка 2021, 12:12

Хакеісты "Гомеля" выйшлі ў фінал Кубка Прэзідэнта

Фота hockey.by
Фота hockey.by

26 сакавіка, Мінск /Кар. БЕЛТА/. Хакеісты "Гомеля" ў авертайме перамаглі салігорскі "Шахцёр" з лікам 4:3 (1:1, 1:1, 1:1, 1:0) і выйшлі ў фінал Кубка Прэзідэнта. "Рысі" дабіліся такога выніку ўпершыню з 2009 года, паведамляе карэспандэнт БЕЛТА.

Паядынак у Салігорску пачаўся з атак гаспадароў пляцоўкі, якія нагняталі сітуацыю каля варот Максіма Лубскага, стараючыся закінуць як мага хутчэй. Гэта прынесла свой вынік на пятай хвіліне сустрэчы, калі хакеісты з горада калійшчыкаў адкрылі лік дзякуючы Сяргею Станкевічу.

Урэшце, гамяльчане не здаліся і адказалі галявой атакай Уладзіслава Бойкі, які падхапіў шайбу пасля памылкі ігракоў салігорскай каманды і выйшаўшы сам-насам з варатароў зраўнаваў лік.

Пасля таго як лік зраўнаваўся, каманда Сяргея Стася, які назіраў за дзеяннем падапечных з трыбун, зноў адышла на абарончыя рубяжы, зрабіўшы стаўку на вострыя контрвыпады. Аднак у другім перыядзе "гарнякі" зноў змаглі засмуціць "рысей". Ігар Карабанаў першым паспеў да шайбы, якая былі на пятаку перад варотамі і не прамахнуўся. Зрэшты, зноў гаспадары лёду радаваліся нядоўга.

У заключным перыядзе гамельчане зрабілі стаўку на форчэкінг, чакаючы памылак сапернікаў, і гэта ім удалося. Упершыню за матч госці выйшлі наперад. Аляксандр Скарэнаў, застаўшыся без апекі абаронцаў, завяршыў камбінацыю, пачатую Максімам Магалецкім і Ігарам Равенкам. Але гэта было яшчэ не ўсё.

Салігарчане прыклалі намаганні, каб зраўнаваць лік, знялі варатара і менш чым за хвіліну да фінальнай сірэны рэалізавалі большасць пасля выдалення Рамана Рачынскага за выкід шайбы. Вызначыўся Сяргей Багалейша магутным кідком.

У авертайме "Шахцёр" спачатку вытрымаў націск каманды Сяргея Стася, але ў выніку быў вымушаны здацца пасля гола Міхаіла Кавалёва. Такім чынам "Рысі" выйгралі серыю да чатырох перамог з лікам 4:1 і выйшлі ў фінал Кубка Прэзідэнта.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі