Фота з архіва
4 снежня, Мінск /Кар. БЕЛТА/. Хакеісты мінскага "Дынама" сёння правядуць другі паядынак у рамках далёкаўсходняй выязной серыі ў рэгулярным чэмпіянаце Кантынентальнай хакейнай лігі, паведамляе карэспандэнт БЕЛТА.
З Новасібірска падапечныя Дзмітрыя Квартальнава перабраліся ва Уладзівасток, дзе прымаць "зуброў" будзе мясцовы "Адмірал". Ігракі сталічнага клуба ў трох апошніх матчах не сыходзяць з лёду без набраных ачкоў: гасцявое турнэ мінчане пачалі з перамогі над "Сібір'ю" (5:4), а да гэтага на родным лёдзе двойчы ўступілі ў авертайме. Цяпер "Дынама" дзеліць з "Поўначсталлю" 6-7-я месцы ў Заходняй канферэнцыі, у абедзвюх каманд па 36 балаў пасля 32 гульняў. "Адмірал" таксама ідзе шостым на Усходзе, маючы на адзін пункт менш. "Маракі" закончылі лістапад трохматчавай пераможнай серыяй, але ў першай гульні снежня прайгралі лепшай камандзе КХЛ "Лакаматыву" (0:3).
"Ведаю, што ў складзе саперніка ёсць добрыя легіянеры. Напрыклад, Лібар Шулак - моцны абаронца. Таксама Джавані Фіёрэ, рэзультатыўны нападаючы. Але мы ў кожнай гульні настройваемся на перамогу. Матчы ў Сібіры і на Далёкім Усходзе - гэта складана, змена часавых паясоў адчуваецца. Але разлічваем толькі на максімальны вынік у гэтым выездзе", - сказаў ігрок абароны сталічнага клуба Роб Хэмілтан.
У бягучым рэгулярным чэмпіянаце "Дынама" і "Адмірал" ужо сустракаліся: 1 кастрычніка на "Мінск-Арэне" "зубры" атрымалі разгромную перамогу з лікам 7:2. У мінулым розыгрышы абедзве сустрэчы паміж сапернікамі таксама засталіся за нашымі хакеістамі (3:1 і 4:0), аднак за два тыдні да старту цяперашняга сезона мацнейшыми ў таварыскім матчы былі "маракі" - 7:3. Чарговае процістаянне каманд з Мінска і Уладзівастока стартуе на "Фяцісаў арэне" ў 12.30 па беларускім часе.-0-
З Новасібірска падапечныя Дзмітрыя Квартальнава перабраліся ва Уладзівасток, дзе прымаць "зуброў" будзе мясцовы "Адмірал". Ігракі сталічнага клуба ў трох апошніх матчах не сыходзяць з лёду без набраных ачкоў: гасцявое турнэ мінчане пачалі з перамогі над "Сібір'ю" (5:4), а да гэтага на родным лёдзе двойчы ўступілі ў авертайме. Цяпер "Дынама" дзеліць з "Поўначсталлю" 6-7-я месцы ў Заходняй канферэнцыі, у абедзвюх каманд па 36 балаў пасля 32 гульняў. "Адмірал" таксама ідзе шостым на Усходзе, маючы на адзін пункт менш. "Маракі" закончылі лістапад трохматчавай пераможнай серыяй, але ў першай гульні снежня прайгралі лепшай камандзе КХЛ "Лакаматыву" (0:3).
"Ведаю, што ў складзе саперніка ёсць добрыя легіянеры. Напрыклад, Лібар Шулак - моцны абаронца. Таксама Джавані Фіёрэ, рэзультатыўны нападаючы. Але мы ў кожнай гульні настройваемся на перамогу. Матчы ў Сібіры і на Далёкім Усходзе - гэта складана, змена часавых паясоў адчуваецца. Але разлічваем толькі на максімальны вынік у гэтым выездзе", - сказаў ігрок абароны сталічнага клуба Роб Хэмілтан.
У бягучым рэгулярным чэмпіянаце "Дынама" і "Адмірал" ужо сустракаліся: 1 кастрычніка на "Мінск-Арэне" "зубры" атрымалі разгромную перамогу з лікам 7:2. У мінулым розыгрышы абедзве сустрэчы паміж сапернікамі таксама засталіся за нашымі хакеістамі (3:1 і 4:0), аднак за два тыдні да старту цяперашняга сезона мацнейшыми ў таварыскім матчы былі "маракі" - 7:3. Чарговае процістаянне каманд з Мінска і Уладзівастока стартуе на "Фяцісаў арэне" ў 12.30 па беларускім часе.-0-
Падпісвайцеся на нас у
