5 жніўня, Мінск /Кар. БЕЛТА/. У чацвер трыма матчамі прадоўжыўся 22-і розыгрыш Кубка Беларусі па хакеі, які мае афіцыйную назву Кубак Салея, паведамляе карэспандэнт БЕЛТА.
У другі гульнявы дзень адбыліся тры матчы ў групе "А". "Дынама-Маладзечна" на сваім лёдзе ў авертайме абыграла салігорскі "Шахцёр" - 1:0, "Брэст" дома таксама ў дадатковай пяціхвілінцы адолеў сталічнае "Юнацтва" з лікам 3:2, а "Ліда" на роднай пляцоўцы разграміла гродзенскі "Нёман" - 7:2.
У пятніцу чарговыя матчы на турніры правядуць прадстаўнікі пула "Б". Аршанскі "Лакаматыў" прыме "Гомель", "Магілёў" дома сустрэнецца са жлобінскім "Металургам", а "Хімік" у Наваполацку згуляе супраць "Віцебска".
Па выніках кругавога турніру ў "Фінал чатырох" гарантавана выйдуць пераможцы абедзвюх груп, яшчэ дзве пуцёўкі ў кваліфікацыйных матчах разыграюць каманды, якія занялі ў сваіх пулах 2-3-я месцы.-0-
