20 лютага, Пхёнчхан /Кар. БЕЛТА/. Нападаючы зборнай Славеніі па хакеі Жыга Егліч не прайшоў допінг-тэст на Алімпіядзе ў Пхёнчхане. Такое паведамленне распаўсюдзіла прэс-служба Спартыўнага арбітражнага суда (CAS), паведамляе карэспандэнт БЕЛТА.
Аналіз іграка даў станоўчы вынік на фенатэрол. Рашэнне па справе Егліча, які павінен пакінуць Алімпійскую вёску на працягу сутак, будзе вынесена пасля Алімпіяды.
Зборная Славеніі прабілася на зімовыя Гульні праз кваліфікацыйны турнір у Мінску, дзе ў вырашальным матчы абыграла Беларусь.
Жыга Егліч пачынаў цяперашні сезон у клубе КХЛ "Тарпеда" з Ніжняга Ноўгарада, але восенню скасаваў кантракт і перайшоў у ніжнякамскі "Нафтахімік".-0-
