ДЗЯРЖОРГАНЫДЗЯРЖОРГАНЫ
Флаг Аўторак, 28 чэрвеня 2022
Мінск +29°C
Усе навіны
Усе навіны
Спорт
14 мая 2022, 14:24

Хакеіст Раман Гарбуноў падпісаў новы кантракт з мінскім "Дынама"

Раман Гарбуноў. Фота ФХБ
Раман Гарбуноў. Фота ФХБ

14 мая, Мінск /Кар. БЕЛТА/. Хакейнае мінскае "Дынама" аб'явіла аб падпісанні новага кантракта з нападаючым Раманам Гарбуновым, паведамілі БЕЛТА ў прэс-службе сталічнага клуба.

Гарбуноў застанецца ў камандзе як мінімум на год. Нападаючы выступаў за "зуброў" у двух папярэдніх сезонах КХЛ, на яго рахунку 89 гульняў і 30 (13+17) балаў за мінчан у рэгулярных чэмпіянатах, 3 (1+2) ачкі ў дзевяці матчах плэй-оф. У складзе "Дынама" Раман двойчы заваяваў Кубак Руслана Салея, а ў мінулым годзе дэбютаваў за нацыянальную зборную Беларусі.

"Мы рады, што хутка ўладзілі ўсе фармальнасці і заключылі новае пагадненне з Раманам Гарбуновым. У мінулым сезоне ён даказаў, што з'яўляецца важным камандным іграком, быў карысным як у атацы, так і ў абароне. Раман заўсёды паказвае прыклад, як трэба рыхтавацца і настройвацца на матчы, умее пастаяць за сябе і за партнёраў у кулачных паядынках, калі гэтага патрабуе сітуацыя. Плюс у яго нядрэнныя паказчыкі карыснасці, закінутых шайб і перадач. Гарбуноў будзе эфектыўным іграком у будучым сезоне, новы кантракт з ім - важны крок для камплектавання каманды. Мы ўпэўнены, што ён прынясе карысць зборнай Беларусі", - заявіў генеральны дырэктар "зуброў" Сяргей Сушко.

Раней стала вядома, што выступленні за мінскае "Дынама" прадоўжыць расійскі галкіпер Сяргей Бальшакоў. У мінулым сезоне ён згуляў за каманду тры матчы пры каэфіцыенце надзейнасці 3,79 і адбіў 86,9 працэнта кідкоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі