13 студзеня, Мінск /Кар. БЕЛТА/. Хакеіст мінскага "Дынама" Арцём Аносаў прызнаны лепшым навічком тыдня. Такая інфармацыя змешчана на афіцыйным сайце Кантынентальнай хакейнай лігі, паведамляе карэспандэнт БЕЛТА.
Арцём Аносаў адзначыўся галявымі перадачамі ў абодвух матчах 17-га тыдня чэмпіянату КХЛ. Набраныя ачкі сталі для 20-гадовага беларускага іграка першымі ў Лізе. Форвард завяршыў абодва матчы са станоўчай ацэнкай карыснасці пры агульным паказчыку +1, у сярэднім праводзячы на лёдзе 10 мін. 27 сек.
Камісія па вызначэнні лепшых хакеістаў чэмпіянату Кантынентальнай хакейнай лігі на аснове статыстычных даных выступленняў ігракоў, прадстаўленых аддзелам статыстыкі Цэнтральнага інфармацыйнага бюро КХЛ і аналітычнай ацэнкі матчаў, вызначыла лаўрэатаў 17-га тыдня турніру ў чатырох намінацыях. Акрамя Арцёма Аносава лаўрэатамі сталі Юліус Гудачак (лепшы варатар; "Спартак"), Самі Лепісцё (лепшы абаронца; "Ёкерыт"), Ніклас Енсэн (лепшы нападаючы; "Ёкерыт").-0-