22 верасня, Мінск /Кар. БЕЛТА/. На футбольным чэмпіянаце Беларусі сярод каманд вышэйшай лігі сёння пройдуць стартавыя паядынкі 22-га тура, паведамляе карэспандэнт БЕЛТА.
У першым з іх футбалісты "Гомеля" прымуць на сваёй арэне гасцей з ФК "Мінск". У першым крузе сапернікі не выявілі пераможцу, завяршыўшы сустрэчу ўнічыю - 2:2. На мінулым тыдні гамяльчане абыгралі на выездзе сталічны "Энергетык-БДУ" (2:1), а мінчане разышліся мірам з салігорскім "Шахцёрам" (0:0). Таксама сёння футбалісты БАТЭ на полі "Барысаў-Арэны" сустрэнуцца з бабруйскай "Белшынай". У першым крузе барысаўчане разграмілі бабруйчан на іх стадыёне з лікам 3:0. У мінулым туры БАТЭ адолеў у гасцях "Смаргонь" (2:1), а "Белшына" ў сябе дома згуляла ўнічыю са "Слуцкам" (1:1).
Лідар першынства мінскае "Дынама" заўтра згуляе ў Салігорску супраць мясцовага "Шахцёра". "Нёман", які ідзе другім, прыме ў Гродне брэсцкіх дынамаўцаў, а футбалісты "Слуцка" ў сябе дома будуць сапернічаць з жодзінскім "Тарпеда-БелАЗам", які займае трэцяе месца. Заключныя сустрэчы пройдуць 24 верасня: "Нафтан" (Наваполацк) - "Смаргонь", "Славія" (Мазыр) - "Іслач" (Мінскі раён). "Энергетык-БДУ" прапускае гэты тур.
Становішча ў лідзіруючай групе: "Дынама" (Мінск) - 45 ачкоў (19 матчаў), "Нёман" - 39 (18), "Тарпеда-БелАЗ" - 33 (19), "Славія" - 32 (20), "Іслач" - 30 (19). Унізе турнірнай табліцы знаходзяцца "Шахцёр", "Энергетык-БДУ" і "Белшына".
Спіс лепшых бамбардзіраў узначальваюць Уладзіслаў Марозаў ("Дынама", Мінск), Павел Савіцкі ("Нёман") і Ягор Карпіцкі ("Шахцёр"), якія забілі па 12 мячоў.-0-
