Гімнастка Штыхецкая двойчы ўвайшла ў дзясятку лепшых на юніёрскім чэмпіянаце свету ў Маніле
 

24 лістапада, Мінск /Кар. БЕЛТА/. У сталіцы Філіпін Маніле завяршыўся чэмпіянат свету па спартыўнай гімнастыцы сярод юніёраў з удзелам беларускі Сафіі Штыхецкай, паведамілі БЕЛТА ў прэс-службе Беларускай асацыяцыі гімнастыкі.

У падагульняючым пратаколе мнагабор'я беларуска размясцілася на дзявятай пазіцыі, за выступленні на чатырох снарадах Штыхецкая набрала 50,899 бала. Перамогу ў самым прэстыжным відзе праграмы атрымала Юма Мінаміна з Японіі (53,632). Таксама Сафія з чацвёртым рэзультатам прабілася ў фінал вольных практыкаванняў, дзе заняла восьмае месца з ацэнкай 12,733 бала. Уладальніцай золата стала яшчэ адна японка Міса Нісіяма (13,533).-0-