9 снежня, Мінск /Кар. БЕЛТА/. У штаб-кватэры УЕФА ў Ньёне прайшла жараб'ёўка кваліфікацыйнага этапу футбольнага чэмпіянату Еўропы 2023 года сярод юніёраў (U-19), паведамляе карэспандэнт БЕЛТА.
Футбалісты беларускай юніёрскай зборнай трапілі ў 12-ю групу, дзе іх сапернікамі будуць равеснікі з Германіі, Славакіі і Арменіі. Матчы адборачных міні-турніраў у 13 кваліфікацыйных групах пройдуць у перыяд з 30 мая па 14 чэрвеня або з 19 па 27 верасня 2022 года. Дакладныя даты, а таксама месцы правядзення спаборніцтваў будуць вызначаны пазней.
У элітны этап кваліфікацыі кантынентальнага першынства выйдуць па дзве лепшыя каманды з кожнага квартэта, а таксама лепшая зборная з тых, што занялі трэція месцы. Сустрэчы элітнага раўнда адбудуцца вясной 2023 года. Фінальная стадыя юніёрскага чэмпіянату Еўропы з удзелам васьмі каманд пройдзе летам 2023 года на футбольных арэнах Мальты.-0-